Rwanda | RUSIZI : ABAREZI BARITEGURA ITANGIRA RY’AMASHURI IGIHEMBWE CYA GATATU
Posted on September 5, 2012 by admin in Ibikorwa
Abayobozi b’ibigo by’amashuri mu karere ka Rusizi baratangaza ko bagiye kwibanda ku gukomeza gushyira ingufu mu kurangiza gahunda z’amasomo kare kugirango mu bizamini bya Leta bisoza amashuli bazarusheho gutsindisha umubare munini w’abanyeshuli, ibi babigarutseho mu nama yabahuje n’umuyobozi w’uburezi mu karere ka Rusizi yari igamije gutegurira hamwe itangira ry’amashuli ry’igihembwe cya gatatu, inama yabereye kuri mu ishuri ryisumbuye rya Saint Bruno mu murenge wa Gihundwe tariki 31/9/2012 .
Aba bayobozi b’amashuri mu karere ka Rusizi ngo kurangiza neza gahunda z’amasomo no gutsinda ibizamini bya Leta batangaza ko babyiteguye neza ngo kuko gahunda bayimaranye umwaka bamwe muri aba barezi barimo Ndagijimana Jaffet bemeza ko bazabona umusaruro mwiza uyu mwaka kuko ngo bitaye Ku ireme ry’uburezi.
ikindi abayobozi b’amashuri basabwe n’ushinzwe uburezi muri ako karere ka Rusizi bwana J.Pierre Nteziyaremye ni ukwitegura kwakira abanyeshuli neza bakazasanga ibikenewe bihari.
Ku bijyanye n’iyubakwa ry’ibyumba by’amashuri, hishimiwe intambwe imaze guterwa Nteziyaremye J.Pierre akomeza gutangaza ko imyumvire haba kubabyeyi n’abarezi imaze kuba imwe kuko ntawe utazi akamaro k’ishuri.
Mu bindi byizweho muri iyi nama harimo kandi gushishikariza ibigo by’amashuri kwitabira agaciro development fund, kugenzura ibyo abayobozi b’amashuri bamaze kugeraho mu byo bahize, gushishikariza ubworozi bw’amatungo mu bigo by’amashuri kuko n’indyo nziza ku banyeshuri ituma bamenya neza ibyo biga, hanahagurukirwa kandi isuku kuko muri iki gihe abanyeshuri bamaze iminsi mu biruhuko usanga ahenshi ibihuru byararaye kubigo by’amashuri.
